قالت الفنانة حورية فرغلي، إن قبل عامين كانت تتمنى الموت، وتحديدا وقت انتشار فيروس كورونا، وعدم قدرتها على السفر لأمريكا والحصول على التأشيرة في ظل غلق السفارة، لاستكمال علاجها هناك.

وأضافت في حوارها مع المذيعة إيمان الحصري في برنامج “مساء DMC” المعروض على قناة دي إم سي: “من سنتين كنت عايزة أموت مش عايزة أعيش، فيه كورونا والدكتور اللي ممكن يعالجني موجود في أمريكا والسفارة مقفولة، وأنا مناخيري مش مناخير أ صلا مش عارفة أبص في المراية ولا استطعم الأكل ولا أشم أي ريحة، بالنسبالي كان ايه الفرق بين العيشة والموت”.

وتابعت حورية “اخدت ثقة في نفسي غريبة في الفترة الأخيرة، وبقيت اقول اللهم لك الحمد لله والشكر علي اللي أنا فيه، واللي مش عاجبه أي حاجة فيا بص الناحية التانية متبصليش بس أنا مبسوطة بنفسي جدا”.

وأكدت حورية أنها باتت أفضل بكثير من قبل، وتستطيع أن تحدد رائحة أي شيء بسهولة، بعدما كانت قد فقدت حاسة الشم لفترة طويلة، وتابعت “المفروض اعمل حاجة واحدة ودي مش مهمة اوي، عشان الفتحات في أنفي تكون زي بعض بالظبط، بس دي تتعمل في اي وقت، عايزة ارتاح شوية من غرفة العمليات”.

وأشارت حورية أنها خضعت على مدار 8 سنوات لحوالي 27 عملية.

جدير بالذكر أن أخر أعمال الفنانة حورية فرغلي كان مسلسل “أيام” وشاركها البطولة شيري عادل، لقاء سويدان، رياض الخولي، أحمد صفوت، سلوى خطاب، رشدي الشامي.

أصلي وأقرأ قرآن

وأضافت حورية فرغلي قائلة: بقيت أحمد ربنا على أي حاجة والحمد لله على شكل أنفي، وأي حاجة ربنا عملها فيا، وفي الفترة الماضية حاولت أتقرب من ربنا وأصلي وأقرأ قرآن، لكن كنت حاسة إن في حاجة مش طبيعية وكنت حاسة إني في منطقة سوداء، حسيت إني جالي اكتئاب.

أمنية حورية فرغلي

أشارت حورية فرغلي إلى أنها تتمنى تقديم جزء ثالث من مسلسل “ساحرة الجنوب”، كما تحلم بتقديم عدة شخصيات نسائية تاريخية وقالت: حلم حياتي تقديم جزء ثالث من ساحرة الجنوب، ونفسى أقدم دور حتشبسوت والأميرة ذات الهمة».

المصدر : وكالات + ترند10